பெரம்பலூர் செந்தில்

வெளிநாட்டு வேலையைத் துறந்து விவசாயத்தில் கலக்கும் சாஃப்ட்வேர் இன்ஜினீயர்!வருடம்  ரூ.60 லட்சம்  வருமானம் வரும் வேலையை உதறிவிட்டு, விவசாயம் செய்து அனைவரின் பாராட்டுக்களையும் பெற்று வருகிறார் பெரம்பலூர் மாவட்டம், செட்டிக்குளத்தை அடுத்துள்ள தேனூரைச் சேர்ந்த என்ஜினீயரிங் பட்டதாரி செந்தில்.தேனூர் கிராமம்... சுத்தமான காற்றுடன் உண்மையான பாசம் காட்டும் மனிதர்களின் வாழ்விடம். இந்த ஊருக்கு மேலும் சிறப்பு சேர்த்து வருகிறார் செந்தில்.அமெரிக்கா மற்றும் ஐரோப்பிய நாடுகளின் செல்வ செழிப்பில் மயங்கி, அந்த நாடுகளில் வேலை செய்து செல்வம் சேர்க்க ஆசைப்படாதவர்கள் இந்தியாவில் அரிது. இந்த நிலையில், மெக்கானிக்கல் என்ஜினீயரிங் படித்து, அமெரிக்காவில் வருடம் 60 லட்சம் ரூபாய் சம்பாதிக்கும் வேலையை விட்டுவிட்டு, சொந்த ஊருக்கு வந்து தன் மக்களின் வாழ்வை மாற்றி ஆச்சரியம் அளித்துள்ளார் செந்தில்.இந்தியாவின் முதுகெலும்பான விவசாயத்தை நம்பியே வாழ்கையை நடத்துபவர்கள் தேனூர் மக்கள். ஆனால்  நகர மக்களின் பேராசையால் நரகமாக மாறியது தேனூர் கிராமம். பற்றாக்குறையான பருவமழையால் வறண்டுவிட்ட விவசாய நிலம், இருக்கும் கொஞ்ச நிலத்தடி நீரும் உறிஞ்சப்படுவது ஆகிய காரணத்தால் மனம் ஒடிந்த பாரம்பரிய விவசாயிகள், தற்கொலை செய்யும் நிலைக்குத் தள்ளப்பட்டனர்.இந்த நிலையில்தான் 'பயிர்'  எனும் தன்னார்வத்  தொண்டு நிறுவனத்தை உருவாக்கி, செந்திலும் அவரின் மனைவி பிரீத்தியும் நடத்தி வருகிறார்கள். பிரீத்தி ஹோமியோபதி மருத்துவர். தேனூர் கிராமத்துக்கு  'பயிர்' மூலம் செய்த உதவிகள் ஏராளம். அவ்வூர் மக்களின் கல்வி, ஆரோக்கியத்தையே முதன்மையாகக்  கொண்டு செயல்படும் தன்னார்வ நிறுவனம்தான் 'பயிர்'.இந்த அமைப்பு மூலம் தேனூர் மக்களுக்கு எம்சிஏ  பட்டதாரிகளைக் கொண்டு கணினிப்  பயிற்சி அளிக்கப்படுகிறது என்பது கூடுதல் விசேஷம். போதிய உணவு இல்லாத காரணத்தால் ஏழைக் குழந்தைகள் பலர் நோய்வாய்ப்பட்டனர். அதனால் அவர்களுக்கு சத்து நிறைந்த நிலக்கடலையும், தினையும் வழங்குகிறது 'பயிர்'.சமீபத்திய ஆய்வு முடிவுகளின் அடிப்படையில், 40 சதவிகித குழந்தைகளுக்கு போதிய உணவு கிடைப்பதில்லை என கண்டறியப்பட்டுள்ளது. அதன் மூலம், தமிழ்நாடு அரசு தினம் 500 கலோரி சத்துடைய  நிலக்கடலையும் தினையும் வழங்க முடிவு செய்துள்ளது. இதன் தொடர்ச்சியாக கடந்த இரண்டரை ஆண்டுகளாக,  ஏழைக் குடும்ப குழந்தைகளுக்கு மிகக்குறைந்த விலையில் பால் வழங்கி வருகிறது பயிர்.இயற்கை விவசாயத்தின் முக்கியத்துவத்தை பரப்பும் வகையில் 'பயிர்' அமைப்பு உண்டாக்கிய விழிப்புணர்வால், தேனூரில்  6.77 ஏக்கர் பரப்பு அளவு கொண்ட நிலத்தில் நிலக்கடலை, உளுந்து, நெல் மற்றும் எள் பயிரிடப்படுகிறது. மேலும் வேப்பங்காயை உரமாக மாற்றும் தொழில் மூலம் வருவாய் ஈட்டுகிறார்கள் தேனூர் வாசிகள். விவசாயத்திற்கு உயிர் கொடுத்து இருக்கிறது 'பயிர்' என்றால் மிகையில்லை!

Read More

அண்ணா அசாரே

அண்ணா அசாரே கிசான் பாபட் பாபுராவ் அசாரே அன்னா ஹசாரே பிறப்பு ஜனவரி 15, 1940 (அகவை 75) பிங்கார், மகாராட்டிரம், இந்தியா அறியப்படுவது நீர்ப்பிடிப்பு மேம்பாட்டுத் திட்டங்கள்; தகவல் அறியும் உரிமைச் சட்டம்; ஊழல் எதிர்ப்பு இயக்கம் சமயம் இந்து பெற்றோர் லட்சுமிபாய் அசாரே (தாய்) பாபுராவ் அசாரே (தந்தை) வலைத்தளம் http://www.annahazare.org பரவலாக அண்ணா ஹசாரே (Anna Hazare) என்று அறியப்படும் கிசான் பாபுராவ் அசாரே (Kisan Baburao Hazare, பிறப்பு: சனவரி 15, 1938), ஓர் இந்திய சமூக சேவகர். கிராமப்புற மேம்பாட்டிற்காகவும், வெளிப்படையான அரசாங்க செயல்பாடுகளை அதிகரிக்கவும், விசாரணை மற்றும் உத்தியோக ஊழல்களை தண்டிக்கவும் இயக்கங்கள் அமைத்த இந்திய சமூக ஆர்வலர். அடிமட்ட இயக்கங்களை அமைக்கவும் ஊக்குவிப்பதைத் தவிரவும் ஹசாரே தனது தந்திரோபாயத்தை நினைவுபடுத்தும் வகையில் அடிக்கடி நடத்திய உண்ணாவிரதம் மோகன்தாசு கரம்சந்த் காந்தி [1][2][3] சத்தியாக்கிரக போராட்டத்தை பலருக்கும் நினைவு படுத்தியது. ஹசாரே மகாராஷ்டிரா மாநிலம் அஹமது நகர் மாவட்டம் பர்நேர் தாலுகாவில் ரலேகன் சித்தியில் உள்ள ஒரு கிராமத்தில் வளர்ச்சி மற்றும் கட்டமைப்பிற்கு பணியாற்றினார். மற்ற கிராமங்களுக்கு முன்மாதிரியாக இந்த கிராமத்தை ஏற்படுத்துவதில் அவரின் பங்களிப்பிற்காக அவருக்கு நாட்டின் மூன்றாம் மிக உயரிய சிவிலியன் விருதான பத்ம பூஷன் 1992 ல் வழங்கப்பட்டது. ஒரு தனி மனிதனின் பேரில் வரும் புகார்களை விசாரிக்கும் குறைகேள் அதிகாரி நிறுவனம் அமைத்து பொது இடங்களில் உள்ள ஊழல்களை சமாளிக்கவும் ஜன லோக்பால் மசோதாவை போல் லோக்பால் மசோதா 2011 அமைத்து கடுமையான ஊழல் எதிர்ப்பு சட்டம் இயற்றவும் இந்திய அரசாங்கத்தை வலியுறுத்தி ஏப்ரல் 5, 2011-ல் கால வரையற்ற உண்ணாவிரதத்தைத் தொடங்கினார். இந்த போராட்டத்திற்கு ஆதரவாக நாடு முழுவதிலும் ஆர்ப்பாட்டம் தொடங்கியது. அரசாங்கம் ஹசாரே-வின் கோரிக்கைகளை ஏற்ற ஒரு நாளைக்குப்பிறகு 9 ஏப்ரல் 2011-ம் தேதி உண்ணாவிரதம் முடிவுக்கு வந்தது. அரசாங்கம் மற்றும் மக்கள் சமூக பிரதிநிதிகள் அடங்கிய கூட்டு குழு அமைத்து சட்ட வரைவு எழுத அரசாங்கம் ஒரு அரசிதழ் அறிவிப்பு வெளியிட்டது.[4][5] 2011-ன் உலக சிந்தனையாளர்கள் பட்டியலின் முதல் 100 இடங்களில், வெளி நாட்டு கொள்கை இதழ் அவரின் பெயரையும் வெளியிட்டது.[6] மேலும் 2011-ல் அன்னா மும்பையில் வெளியாகும் தேசிய நாளிதழ் மூலம் மிகுந்த மக்கள் செல்வாக்குள்ள மனிதர்கள் பட்டியலில் இடம் பெற்றார்.[7] அவருடைய நீதியை நிலைநாட்டும் சர்வாதிகார கருத்துகெதிராகவும், ஊழல் செய்த பொது அதிகாரிகளின் மரண தண்டனை கொள்கைக்கெதிராகவும், வாசெக்டமி முறை மூலம் கட்டாய குடும்பக் கட்டுப்பாடு ஆதரவுக்கெதிராகவும் அவர் மாறுபட்ட விமர்சனங்களை சந்தித்தார்.[8][9] 2009-ல் அன்னா ஹசாரே-வை கொலை செய்யும் சதி வெளிப்படுத்தப்பட்டது. தேசியவாத காங்கிரஸ் கட்சியின் உயர் பதவி வகித்தவரும், தேசியவாத காங்கிரஸ் தலைவர் சரத் பவாரின் நெருங்கிய உறவினருமான பத்மசிங் படிலே சதிக்கு காரணம் என்று ஹசாரே குற்றம் சாட்டினார். கொலை சதி தொடர்பான வழக்கு நடந்து தீர்ப்பு எதிர்பார்க்கப்படுகின்றது.

Read More

மலைக்கோட்டை உச்சிப்பிள்ளையார் கோவில், திருச்சி

மலைக்கோட்டை உச்சிப்பிள்ளையார் கோவில், திருச்சி மலைக்கோட்டையின் மீது இருந்து பார்க்கையில், ‪#‎திருச்சி‬ மாநகரின் எல்லா பக்கமும் ரம்மியமாக தெரியும். மலைக் கோட்டையின் உயரம் 275 அடி. மலைக்கோயிலுக்கு செல்ல 417 படிக்கட்டுகள் உள்ளன. இப்படி வடிவமைக்கப்பட்ட கோயிலின் ஆயிரங்கால் புனித மண்டபம் சிறப்பு ... மேலும் படிக்க : http://temple.dinamalar.com/New.php?id=24

Read More

அப்துல் கலாம் பற்றி 50 தகவல்கள்

அப்துல் கலாம் பற்றி 50 தகவல்கள் 1. தாய்மொழியான தமிழ் வழியில் கல்வி பயின்று, அறிவியல் துறையில் உலக சாதனைகள் செய்தவர் அப்துல் கலாம். 2. இந்திய ஜனாதிபதிகளில் மிக, மிக எளிமையாக இருந்தவர் இவர் ஒருவரே. ஜனாதிபதி மாளிகையில் சைவ உணவுகள் மட்டுமே சாப்பிட்ட ஒரே ஜனாதிபதி இவர்தான். 3. நாடெங்கும் பட்டி தொட்டிகளில் படிக்கும் மாணவ – மாணவிகளிடம் கூட நாட்டின் மீது தேசப்பற்று ஏற்பட செய்தவர். ஒரு அரசாங்கம் செய்ய வேண்டிய பணியை ‘‘மாணவர்களே கனவு காணுங்கள்’’ என்று சொல்லி மாணவர்கள் மத்தியில் புரட்சியை ஏற்படுத்தியவர். 4. நாட்டுக்கு சேவை செய்ய வேண்டும் என்பதற்காக பெருந்தலைவர் காமராஜர் திருமணம் செய்து கொள்ள மறுத்தார். அதுபோல திருமணம் செய்தால் அறிவியல் வளர்ச்சிப் பணிகளில் முழுமையாக ஈடுபட முடியாது என்று திருமணம் செய்ய மறுத்தார் அப்துல் கலாம். 5. இவரது வாழ்க்கையின் ஒவ்வொரு வினாடியும் காந்திய கொள்கைகளை பிரதிபலித்தது. 6. மாணவ, மாணவிகளைப் பார்த்ததும் அவர் பூரித்துப் போவார். அவர்கள் அருகில் சென்று பேசாமல் இருக்க மாட்டார். 7. ஜனாதிபதியாக இருப்பவர்கள் இப்படித்தான் இருக்க வேண்டும் என்று எழுதப்படாத சில மரபுகள் இருந்தன. பதவியேற்ற முதல் நாளே அந்த மரபுகளை உடைத்தவர் அப்துல் கலாம். 8. ‘‘அக்னிச் சிறகுகள்’’ எனும் நூல் அப்துல் கலாமின் சுய சரிதையாக வெளி வந்துள்ளது. 9. அப்துல் கலாம் நிறைய கவிதைகள் எழுதியுள்ளார். அந்த கவிதைகளின் வரிகள் ஒவ்வொன்றும் வாழ்க்கைக்கு வழிகாட்டும் வார்த்தைகளாக உள்ளன. 10. அப்துல் கலாம் தன்னடகத்தின் உச்சமாக திகழ்ந்தவர். அவரைப் போன்று பணிவான மனிதர்களை காண்பது அரிது என்று உலக தலைவர்களே வியந்துள்ளனர். 11. நான் என்ற அகந்தை எண்ணம் அவரிடம் துளி அளவு கூட இருந்ததில்லை. சிறு வயது முதல் வாழ்நாளின் இறுதி வரை அமைதியானவர், அன்பானவர் என்ற பாதையில் இருந்து அவர் விலகாமலே இருந்தார். 12. ‘‘நான் யார் தெரியுமா’’ என்ற ரீதியில் அவர் ஒரு நாள் கூட செயல்பட்டதில்லை. ஒரு தடவை அவர் வெளிநாடு சென்றிருந்த போது விமான நிலைய அதிகாரிகள் அவர் அணிந்திருந்த கால் ஷூ–வை அகற்றி சோதித்த போது, சிரித்துக் கொண்டே முழு ஒத்துழைப்புக் கொடுத்தார். 13. எந்த ஒரு இடத்திலும் தன்னை முன்னிலைப்படுத்தி பரபரப்பு ஏற்படுவதை அவர் ஒரு போதும் விரும்பமாட்டார். ஜனாதிபதியாக இருந்த போது ஒரு நாள் டெல்லி ஜும்மா மசூதிக்கு தொழ சென்ற அவர் இடம் நெருக்கடி காரணமாக கடைசி வரிசையில் கூட்டத்தோடு கூட்டமாக நின்று இறைவனை தொழுதது குறிப்பிடத்தக்கது. 14. எந்த அளவுக்கு அவர் தன்னடக்கம் கொண்டிருந்தாரோ, அதே அளவுக்கு அவர் தன்னம்பிக்கையிலும் உச்சத்தில் இருந்தார். ‘‘நீ முயன்றால் நட்சத்திரங்களையும் பறிக்கலாம்’’ என்று அடிக்கடி கூறுவார். 15. இந்திய அரசியல்வாதிகளிடம் இவர் அடிக்கடி உதிர்த்த வார்த்தை – ‘‘தொழில் நுட்பத்தில் கவனம் செலுத்துங்கள். அது தான் நம் மக்களின் வாழ்க்கைத் தரத்தை உயர்த்தும்’’ 16. உலகத் தலைவர்களில் அப்துல் கலாம் அளவுக்கு இளைய சமுதாயம் எழுப்பிய கேள்விகளுக்கு இதுவரை யாருமே உன்னதமான பதில்களை அளித்ததில்லை. 17. அப்துல் கலாமிடம் ஒரு தடவை ஒரு மாணவி ‘‘நல்ல நாள், கெட்ட நாள் எது?’’ என்று கேட்டாள். அதற்கு அப்துல் கலாம், ‘‘பூமி மீது சூரிய ஒளிபட்டால் அது பகல். படா விட்டால் இரவு. இதில் நல்லது கெட்டது என்று எதுவும் இல்லை’’ என்றார். 18. அப்துல் கலாம் மிகப்பெரிய உறவு, நட்பு வட்டாரத்தைக் கொண்டவர். ஆனால் தனது அதிகாரத்தை தவறாக பயன்படுத்தி அவர் யார் ஒருவருக்கும், எதற்கும் சிபாரிசு செய்ததே இல்லை. 19. ஜனாதிபதியாக பதவி வகித்த காலத்தில் கூட, அந்த மாத சம்பளத்தை வாங்கி அதில் ஒரு பகுதியை தன் குடும்பத்துக்கு அனுப்புவதை அப்துல் கலாம் வழக்கத்தில் வைத்திருந்தார். 20. அப்துல் கலாமின் நெருங்கிய உறவினர்கள் எல்லாம் இன்றும் நடுத்தர வர்க்க வாசிகளாகவே உள்ளனர். அப்துல் கலாமின் கறை படாத நேர்மைக்கு இது ஒன்றே சிறந்த எடுத்துக்காட்டு. 21. அப்துல் கலாம் எந்த ஒரு காலக்கட்டத்திலும், எந்த ஒரு பதவியையும் எதிர்பார்க்காதவர். ஜனாதிபதி வேட்பாளராக அவர் பெயர் அறிவிக்கப்படுவதற்கு சற்று முன்பு வரை அவர் தன் விரிவுரையாளர் பணியில் சுறுசுறுப்பாக இருந்தார். 22. அப்துல் கலாம் இளம் வயதில் விமானி ஆக வேண்டும் என்று ஆசைப்பாட்டார். அது கிடைக்காததால் பாதுகாப்புத்துறை தொழில் நுட்ப படிப்பைத் தேர்வு செய்தார். 23. அனைத்து வளங்களும் நிறைந்த இந்தியா 2020–ம் ஆண்டில் உலகின் வளர்ந்த 5 நாடுகளில் ஒன்றாக திகழும் என்று பல ஆண்டுகளுக்கு முன்பே சொல்லி இந்தியர்களிடம் உற்சாகத்தை ஏற்படுத்தினார். 24. திருச்சி செயிண்ட் ஜோசப் கல்லூரியில் 1954–ம் ஆண்டு பி.எஸ்.சி படித்த அப்துல் கலாம் அந்த பட்டத்தை வாங்காமல் விட்டு விட்டார். 48 ஆண்டுகளுக்கு பிறகு அதை கேட்டுப் பெற்றார். 25. யாழ்ப்பாணத்தை சேர்ந்த கனகசுந்தரம் என்ற சன்னியாசியிடம் அப்துல் கலாம் ஆங்கிலம் கற்றுக் கொண்டார். 26. ராமேசுவரம் மாவட்ட கல்விக் கழக பள்ளி அறிவியல் ஆசிரியர் சிதம்பரம் சுப்பிரமணியத்திடம் இருந்துதான் அறிவியல் ஆர்வத்தை கலாம் பெற்றார். 27. அப்துல் கலாமின் நீண்ட நாள் காலை உணவு ஒரே ஒரு ஆப்பம். ஒரு தம்ளர் பால். வேறு எதையும் சாப்பிட மாட்டார். 28. அப்துல் கலாமிடம் ஒரு பழமையான வீணை உண்டு. எப்போதாவது நேரம் கிடைத்தால் அந்த வீணையை வாசிப்பார். 29. சிறு வயதில் கிணற்றுக்குள் கலாம் கல்லைத் தூக்கிப் போட்டார். அதில் இருந்து குமிழ், குமிழாக வந்தது. அது ஏன் வருகிறது என்று அப்துல் கலாம் கேட்டார். அவர் கேட்ட முதல் அறிவியல் கேள்வி இது தான். 30. ராமேஸ்வரத்தில் உள்ள லட்சுமணத் தீர்த்தத்தில் தை மாதம் விழா நடத்தும் போது அப்துல் கலாம் குடும்பத்தினருக்கு ‘‘சந்தனப்பாடி’’ என்று ஒரு மரியாதை கொடுத்தனர். அந்த அளவுக்கு அப்துல் கலாம் குடும்பத்தினருக்கும் இந்துக்களுக்கும் நெருக்கம் இருந்தது. 31. அப்துல் கலாமுக்கு மிகுந்த இசை ஞானம் உண்டு. தியாகராஜ கீர்த்தனைகளில் சில கிருதிகளை அவர் தெரிந்து வைத்திருந்தார். 32. 1950–களில் திருச்சி ஜோசப் கல்லூரியில் படித்த போது அசைவம் சாப்பிட்டால் அதிகம் செலவாகிறது என்று அசைவம் சாப்பிடுவதை நிறுத்தினார். பிறகு அதுவே நிரந்தரமாகிப் போனது. 33. 1998–ம் ஆண்டு மே மாதம் 11–ந் தேதி பொக்ரானில் இந்தியா அணுகுண்டு சோதனை நடத்தி உலக அரங்கில் தன்னை வல்லரசாக அறிவித்தது. இதற்கு அடித்தளம் அமைத்தவர் அப்துல் கலாம்தான். 34. 1958–ல் மத்திய அரசின் பாதுகாப்புத் துறையில் அப்துல்கலாம் வேலைக்கு சேர்ந்த போது அவருக்கு மாத சம்பளமாக ரூ.250 வழங்கப்பட்டது. 35. இந்திய ராணுவத்தில் உள்ள திரிசூல், அக்னி, பிருத்வி, நாக், ஆகாஷ் அகிய ஏவுகணைகள் அப்துல் கலாம் திட்ட இயக்குனராக இருந்த போது வடிவமைக்கப்பட்டு வந்தவையாகும். 36. இந்தியாவுக்காக இவர் கண்டம் விட்டு கண்டம் பாயும் ஏவுகணையை உருவாக்கிய போது அமெரிக்கா உள்பட பல நாடுகள் இவரை ஆச்சரியத்துடனும், மிரட்சியுடனும் பார்த்தன. 37. போலியோ நோயாளிகளுக்கான எடை குறைந்த ஊன்றுகோல் மற்றும் இருதய நோயாளிகளுக்கான எடை குறைந்த ஸ்டெண்ட் கருவி ஆகியவை இவர் கண்டு பிடித்தவையாகும். அந்த ஸ்டெண்டுக்கு ‘‘கலாம் ஸ்டெண்டு’’ என்றே பெயராகும். 38. தமிழ் இலக்கியங்கள் அனைத்தையும் அப்துல் கலாம் படித்துள்ளார். குறிப்பாக திருக்குறளை கரைத்து குடித்திருந்தார் என்றே சொல்லலாம். 39. இவர் எழுதிய ‘‘எனது பயணம்’’ என்ற கவிதை நூல் ஆங்கிலத்தில் மொழி மாற்றம் செய்யப்பட்டுள்ளது. 40. எப்போதும் சுறுசுறுப்பாக இருப்பது இவரது பழக்கம். ஒரு நாளைக்கு 18 மணி நேரம் கூட உழைப்பதற்கு தயங்க மாட்டார். 41. குடிப்பழக்கம், ஊழல், வரதட்சணை போன்ற 5 தீய பழக்கங்களை கைவிட நாம் ஒவ்வொருவரும் சபதம் எடுத்துக் கொள்ள வேண்டும் என்று டெல்லி காந்தி சமாதியில் எழுதி வைக்க அப்துல் கலாம் அறிவுறுத்தி அதை அமல்படுத்தினார். 42. இந்திய பாதுகாப்புத்துறையின் ஆய்வுக்கு முதலில் வெளிநாட்டு கருவிகள், பொருட்கள் பயன்படுத்தப்பட்டன. அவற்றை நிறுத்தி விட்டு முழுக்க, முழுக்க உள்நாட்டு பொருட்கள் மூலம் ஆய்வு பணிகளை அப்துல் கலாம் செய்ய வைத்தார். 43. அப்துல் கலாம் ஒரு போதும் நன்றி மறக்காதவர். தனது ஆசிரியர்கள், நண்பர்கள், உதவி செய்தவர்கள் என அனைவரையும் அடிக்கடி நினைவுப்படுத்தி பேசுவார். 44. அப்துல் கலாமிடம் நகைச்சுவை உணர்வு அதிகம் உண்டு. நெருக்கடியான சமயங்களில் கூட அவர் நகைக்சுவையை வெளிப்படுத்த தயங்கியதில்லை. 45. இளைஞர்கள் ஒழுக்கமாக இருக்க வேண்டும் என்று அப்துல் கலாம் மிகவும் விரும்பினார். ஒரு தடவை மைசூரில் நடந்த விழாவில் அவர் பேசுகையில், ‘‘இந்தியாவில் உள்ள ஒவ்வொரு இளைஞனுக்கும் கட்டாயம் 2 ஆண்டுகள் ராணுவ பயிற்சி அளிக்க வேண்டும்’’ என்றார். 46. பணம், வயது, சாதி, இனம், மதம், மொழி என்பன போன்றவற்றில் கலாம் வேறுபாடு பார்த்ததே இல்லை. இந்த அரிய குணத்தை அவர் தம் தந்தையிடம் இருந்து பழக்கத்தில் பெற்றார். 47. அப்துல் கலாம் தினமும் திருக்குரான் படிக்கத் தவறியதில்லை. அதில் அவருக்கு பிடித்த வரிகள் எவை தெரியுமா?. ‘‘இறைவா! உன்னையே நாங்கள் வணங்குகிறோம். உன்னிடமே நாங்கள் உதவியும் தேடுகிறோம்’’ எனும் வரிகளாகும். இந்த வரிகள், என்னுடைய எல்லா சோதனை நாட்களிலும் என்னை கரை சேர்த்த வைர வரிகள் என்று அப்துல் கலாம் குறிப்பிட்டுள்ளார். 48. சென்னை மூர் மார்க்கெட்டில் உள்ள ஒரு பழைய புத்தகக் கடைகளில் 1950–களில் அப்துல் கலாம், ‘‘த லைட் பிரம் மெனி லேம்பஸ்’’ என்ற புத்தகத்தை வாங்கினார். கடந்த 60 ஆண்டுக்கும் மேலாக அதை அவர் பொக்கிஷமாக வைத்திருந்தார். 49. அறிவியல் தொழில் நுட்பத்துக்கு மிகவும் உதவும் பெரிலியம் தாது பொருளை வெளிநாடுகள் இந்தியாவுக்கு தர மறுத்தன. உடனே இதுபற்றி கலாம் ஆய்வு செய்தார். இந்தியாவின் பல பகுதிகளில் பெரிலியம் மண்ணில் அதிக அளவில் கலந்து இருப்பதை கண்டுபிடித்தார். இதைத் தொடர்ந்து பெரிலியம் மணல் கலவையை வெளிநாடுகளுக்கு ஏற்றுமதி செய்வதை தடுத்தார். இதனால் அதிர்ச்சி அடைந்த உலக நாடுகள் பிறகு போட்டி போட்டு இந்தியாவுக்கு பெரிலியம் கொடுத்தன. 50. ஒரு தடவை காந்தி சமாதிக்கு சென்ற அப்துல் கலாம், ‘‘காந்தியின் வாழ்க்கை அனுபவங்களை குழந்தைகளிடம் பரப்ப நான் சபதம் ஏற்கிறேன் என்று குறிப்பு எழுதினார். அதன்படி ஜனாதிபதி பதவி காலம் முடிந்த பிறகும் பள்ளி, கல்லூரிகளுக்கு சென்று பேசிவந்தார். நேற்று அவர் கடைசி மூச்சும், இந்த பணியில்தான் நிறைவுற்றது ,,..

Read More

திருமணம் குறித்து அப்துல் கலாம்

திருமணம் குறித்து அப்துல் கலாம் கருத்து கருத்துகள் 0 வாசிக்கப்பட்டது 61 பிரதி மாற்றம் செய்த நாள்: செவ்வாய், ஜூலை 28,2015, 4:24 PM IST பதிவு செய்த நாள்: செவ்வாய், ஜூலை 28,2015, 4:24 PM IST 1. கலாம் வீடு ராமேசுவரத்தில் அப்துல்கலாம் பிறந்து வளர்ந்த பழைய வீட்டை படத்தில் காணலாம். 2. சிறு குழந்தையுடன் அப்துல் கலாம். 3. குழந்தைகளுடன் கலாம் மும்பையில் உள்ள ஒரு ஆசிரமத்தில் ஆதரவற்ற குழந்தைகளுடன் அப்துல் கலாம். 4. அண்ணன் மற்றும் குடும்பத்தினருடன் அப்துல் கலாம். அப்துல்கலாம், திருமணமாகாத, தேசத்துக்காக வாழ்க்கையை அர்ப்பரித்த பிரமச்சாரி என்பது எல்லோருக்கும் தெரியும். திருமணம் செய்து கொள்ளாததற்கு அவர் சொன்ன பதில்:- ’ ”திருமணம் குறித்து என்னை நோக்கி 50 ஆண்டுகளாக கேள்வி கேட்டுக்கொண்டு இருக்கிறார்கள். இந்தியாவிலும், வெளிநாட்டிலும் என் திருமணத்தை பற்றி கேட்ட கேள்விகள் கணக்கில் அடங்காதவை. நான் ஒரு கூட்டு குடும்பத்தில் பிறந்தவன். எனது குடும்பம் பல தலைமுறையாக இருந்து கொண்டு இருக்கிறது. நிறைய வாரிசுகள் இருக்கிறார்கள். அவ்வளவு பெரிய குடும்பத்தில் இருந்து ஒருவர் கல்யாணம் ஆகாமல் இருப்பது பெரிய கேள்விக்குரிய விஷயமில்லை”. என்று கூறினார். 5. முன்னாள் ஜனாதிபதி அப்துல்கலாம் வீணை வாசிப்பதிலும் கை தேர்ந்தவர். 6. கலாம் ரசனை ஜனாதிபதியாக இருந்தபோது, ஜனாதிபதி மாளிகையில் உள்ள மொகலாய தோட்டத்தில் பூக்களின் அழகை ரசித்தபடி அப்துல் கலாம் உலவிய காட்சி. 7. பேராசிரியருடன் கலாம் அப்துல்கலாம் தலைசிறந்த விஞ்ஞானியாகவும், நாட்டின் ஜனாதிபதியாகவும் மிகஉயர்ந்த பதவிகளில் இருந்தபோதிலும், தனது ஆசிரியர்கள் மீது மிகுந்த மரியாதை கொண்டிருந்தார். கடந்த 18–ந்தேதி திண்டுக்கல் வந்த அவர், அங்கு தனது பேராசிரியர் சின்னதுரையை சந்தித்து பேசினார். அப்போது பேராசிரியரை கைத்தாங்கலாக கலாம் அழைத்துவந்த காட்சி. செருப்பு தைக்கும் தொழிலாளியுடன் நேசம் முன்னாள் ஜனாதிபதி அப்துல்கலாம் ஏழை, பணக்காரன் என்ற பாகுபாடு பார்க்காமல் அனைவரிடமும் அன்பாக பழகும் பண்பாளர். அவருக்கு செருப்பு தைக்கும் தொழிலாளியும் தோழராக இருந்திருக்கிறார். திருவனந்தபுரம் அருகே காந்தாரியம்மன் கோவில் பகுதியில் செருப்பு தைப்பவர் ஜார்ஜ். அவரிடம் அப்துல்கலாம் நேசமுடன் பழகி வந்தார். ஜனாதிபதியாக பொறுப்பேற்ற பிறகு ஒருமுறை திருவனந்தபுரத்துக்கு அப்துல்கலாம் வந்தார். அப்போது அவருக்கு ஜார்ஜ் ஞாபகம் வந்தது. அவருடைய அங்க அடையாளங்களை கூறி, அவர் எங்கிருந்தாலும் உடனே அழைத்து வருமாறு டி.ஐ.ஜி. பத்மகுமாரிடம் அப்துல் கலாம் கேட்டுக்கொண்டார். உடனே போலீசார் அழுக்கு உடையுடன் இருந்த ஜார்ஜை தேடி கண்டுபிடித்து ஆளுநர் மாளிகைக்கு அழைத்து வந்தனர். நீண்ட நாட்களுக்கு பிறகும் தன்னை ஞாபகம் வைத்து அழைத்து வரும்படி கூறிய அப்துல் கலாமை பார்த்ததும் ஜார்ஜ் மனம் நெகிழ்ந்து போனார். அவரிடம் அப்துல்கலாம் கேட்ட முதல் கேள்வி: ’சாப்பிட்டீங்களா?’ என்பதுதான். தன்னுடன் பழகியவர்களிடம் எப்போதும் ஏவுகணை தொழில்நுட்பத்தில் அதிக ஆர்வம் கொண்டவர் அப்துல் கலாம். மண்டேலாவுடன் கலாம் தென்ஆப்பிரிக்க முன்னாள் அதிபர் நெல்சன் மண்டேலாவுடன் அப்துல் கலாம். ‘பாரத ரத்னா’ விருது பெற்ற முன்னாள் ஜனாதிபதி அப்துல் கலாம் நேற்று காலமானார். மேகலாயா மாநிலத்தில் கல்லூரி விழாவில் பேசிக்கொண்டிருந்த போது திடீரென்று மாரடைப்பு ஏற்பட்டதால் அவர் மரணம் அடைந்தார். கலாம் பதவி ஏற்பு 25–7–2002 அன்று ஜனாதிபதியாக அப்துல் கலாம் பதவிப்பிரமாணம் எடுத்துக்கொண்டபோது எடுத்த படம். கலாம்–பி.முகர்ஜி - ஜனாதிபதி பிரணாப் முகர்ஜியுடன் அப்துல் கலாம். 13. கலாம்–ஒபாமா கடந்த ஜனவரி மாதம் டெல்லி வந்திருந்தபோது அமெரிக்க ஜனாதிபதி ஒபாமாவை, அப்துல் கலாம் சந்தித்த காட்சி. மோடி–கலாம் - பிரதமர் நரேந்திர மோடியுடன் அப்துல் கலாம். 15. சோனியாவுடன் கலாம் - காங்கிரஸ் தலைவர் சோனியா காந்தியுடன் அப்துல் கலாம். 16. ஜெயலலிதாவுடன் கலாம் - முதல்–அமைச்சர் ஜெயலலிதாவுடன் அப்துல் கலாம்.

Read More

மக்கள் ஜனாதிபதி

இந்தியர்களால், 'மக்கள் ஜனாதிபதி' என, அன்புடன் அழைக்கப்பட்டவரும், இளைய தலைமுறையினரிடையே, 'கனவு காணுங்கள்' என்ற தன்னம்பிக்கையை விதைத்து, அவர்களின் சிறந்த எதிர்காலத்திற்கு வழிகாட்டியவரும், தமிழகத்தைச் சேர்ந்தவருமான, முன்னாள் ஜனாதிபதி அப்துல் கலாம், நேற்று இரவு, மாரடைப்பால் காலமானார். முன்னாள் ஜனாதிபதி, அப்துல் கலாம், 84, வடகிழக்கு மாநிலமான, மேகாலயா தலைநகர் ஷில்லாங்கில், இந்திய மேலாண்மை பயிற்சி நிறுவனமான, ஐ.ஐ.எம்.,மில் நடந்த கருத்தரங்கில் பங்கேற்பதற்காக சென்றிருந்தார். நேற்று மாலை துவங்கிய கருத்தரங்கில், மாணவர்களிடையே, கலாம் உரை நிகழ்த்திக் கொண்டிருந்தபோது, மாலை, 6:30 மணிக்கு திடீரென, அவருக்கு வியர்த்து கொட்டியது; சோர்வடைந்த அவர், மேடையிலேயே மயங்கி விழுந்தார். பதறிய அதிகாரிகள், உடனடியாக அவரை, பெதானி மருத்துவமனையில் சேர்த்தனர். அங்கு, தீவிர சிகிச்சை பிரிவில், அவருக்கு சிகிச்சை அளிக்கப்பட்டது. மேகாலயா கவர்னர் சண்முகநாதன், தலைமைச் செயலர், வார்ஜிரி ஆகியோர், மருத்துவமனைக்கு விரைந்தனர்; ராணுவ டாக்டர்களும் மருத்துவமனைக்கு விரைந்தனர். எனினும், சிகிச்சை பலனின்றி, அப்துல் கலாம் காலமானார். தலைமைச் செயலர் வார்ஜிரி கூறுகையில், ''முன்னாள் ஜனாதிபதி அப்துல் கலாம், மாரடைப்பால் காலமானார். அவரின் உடல், நாளை (இன்று) காலை, டில்லிக்கு எடுத்துச் செல்லப்படும்,'' என்றார். கலாமின் மறைவை அடுத்து, 'ஏழு நாள் தேசிய துக்கம் அனுஷ்டிக்கப்படும்' என, மத்திய அரசு அறிவித்துள்ளது. இந்தியாவின் ஏவுகணை நாயகன்! நாட்டின், 11வது ஜனாதிபதியான அப்துல் கலாம், 2002 - 2007 வரை, அந்த பதவியை வகித்தார். தமிழகத்தின் ராமேஸ்வரத்தில், 1931ம் ஆண்டு, அக்டோபர், 15ல் பிறந்த அவுல் பக்கிர் ஜெய்னுலாப்தீன் அப்துல் கலாம், பாரத் ரத்னா, பத்ம பூஷன் போன்ற விருதுகளை பெற்று, அந்த விருதுகளுக்கு பெருமை சேர்த்தவர். அணு சக்தி துறையுடன் இணைந்து, 'பொக்ரான்' அணுகுண்டு சோதனை நடத்தியதில், அப்துல் கலாமுக்கு முக்கிய பங்கு உண்டு. 'அக்னி, பிரித்வி' போன்ற ஏவுகணைகளின் தயாரிப்பு இயக்கத்தில் முக்கிய பங்கு வகித்து, 'இந்தியாவின் ஏவுகணை நாயகன்' என்றும் பெருமையுடன் அழைக்கப்பட்டார். நரசிம்ம ராவ், வாஜ்பாய், தேவகவுடா போன்றோர் பிரதமர்களாக இருந்தபோது, அவர்களின் அறிவியல் ஆலோசகராகவும் செயல்பட்டார். இளைய தலைமுறையினரிடையே, குறிப்பாக, மாணவர்களிடையே, 'கனவு காணுங்கள்; அது, உங்கள் உயர்வுக்கு வழி காட்டும்' என்ற தன்னம்பிக்கை விதையை ஆழமாக விதைத்த அப்துல் கலாம், செல்லும் இடமெல்லாம் மாணவர்களைசந்தித்து, அவர்களுடன் கலந்துரையாடத்தவறியது இல்லை. தான் கலந்து கொள்ளும் எந்த நிகழ்ச்சியாக இருந்தாலும், அங்கு வரும், வி.வி.ஐ.பி.,க்களை விட, மாணவர்கள், குழந்தைகளை நோக்கித் தான், அப்துல் கலாமின் பார்வை இருக்கும். அந்த அளவுக்கு, இளைய தலைமுறையினரை பெரிதும் நேசித்தார். ராதாகிருஷ்ணன், வெங்கட்ராமன் ஆகியோரை தொடர்ந்து, ஜனாதிபதியாக பதவி வகித்த மூன்றாவது தமிழர் என்ற பெருமையும் கலாமுக்கு உண்டு. இவர் ஜனாதிபதியாகப் பதவி வகித்த காலத்தில், ஜனாதிபதி மாளிகையை கலகலப்பாக மாற்றி, அதில் உள்ள, 'முகல்' தோட்டத்தை விசேஷமாகப் பராமரிக்க ஏற்பாடு செய்தார்.சாதாரண மக்கள், எளிதில் அணுக முடியாத இரும்பு கோட்டையாக இருந்த ஜனாதிபதி மாளிகையை, ஏழை, எளிய மக்களின் தரிசனத்துக்காக திறந்து விட்ட பெருமைக்குரிய இதயம் படைத்தவர். திருக்குறள் மீது பற்று: நாட்டின் எந்த மூலையில் மாணவர்களுக்கான போட்டிகள் நடந்தாலும், கலாம் எழுதிய, 'அக்னி சிறகுகள்' என்ற புத்தகம் தான், வெற்றி பெற்ற மாணவர்களுக்கு என்றுமே பரிசாக அளிக்கப்படுகிறது. அணுசக்தி விஞ்ஞானியாக இருந்தாலும், தாய் மொழியான தமிழ் மீதும், திருக்குறள் மீதும் அதீத பற்று உடையவராக இருந்தார். தான் பங்கேற்கும் நிகழ்ச்சிகளில் எல்லாம், திருக்குறளை மேற்கோள் காட்டி பேச, அவர் தவறியது இல்லை. தன், பொன்மொழிகளாலும், கவிதைகளாலும், அனைவரது மனதையும் வசியம் செய்தவர். பிரம்மாண்டமான ஜனாதிபதி மாளிகையில், தன் குடும்பத்தினரை சேர்க்காமல், எளிமையை பின்பற்றினார். எளிமையும், ஆடம்பரமின்மையுமே அப்துல் கலாமின் மற்றொரு அடையாளம்! 'இவர் போன்ற ஒரு தலைவர் நமக்கு கிடைக்க மாட்டாரா...'என, உலகம் முழுவதும் உள்ள மக்களை ஏங்க வைத்தவர். இதுவரை, 13 பேர், இந்திய ஜனாதிபதி நாற்காலியை அலங்கரித்திருந்தாலும், 'மக்கள் ஜனாதிபதி' என, அனைத்து தரப்பினராலும், ஏகோபித்த பாராட்டை பெற்றவர். ஜனாதிபதி பதவியில் இருந்து ஓய்வு பெற்றாலும், 84 வயதிலும், நாடு முழுவதும் சுற்றுப் பயணம் செய்து, மாணவர்களை சந்தித்து கலந்துரையாடுவதை வழக்கமாக வைத்திருந்தார். 'இந்தியா, 2020க்குள் வல்லரசாக வேண்டும்' என, அடிக்கடி கூறி வந்த கலாம், கடைசிவரை திருமணம் செய்யாமலேயே வாழ்ந்தார். கண்ணீர் கடல்: எப்போதும், மாணவர்களை பற்றியே சிந்தித்துக் கொண்டிருந்த கலாம், தன் கடைசி வினாடியையும் மாணவர்கள் மத்தியில், அவர்களுக்காகவே செலவிட்டு, தன் மூச்சுக்காற்றை, இளைய தலைமுறையினரின் இதயங்களில் ஊடுருவி, விண்ணில் கலந்து விட்டார்.ஜவகர்லால் நேருவுக்கு பின், காஷ்மீரில் இருந்து, கன்னியாகுமரி வரையுள்ள நாட்டு மக்கள் ஒவ்வொருவரின் இதய சிம்மாசனத்தில் அழுத்தமாக இடம்பிடித்து, அவர்களின் பேரன்பை பெற்ற, 'அணு நாயகன்' என்ற மகத்தான மாமனிதரின் மரணம், நாட்டு மக்களை, கண்ணீர் கடலில் ஆழ்த்தியுள்ளது. சோகத்தில் சொந்த ஊர்: கலாம் மறைவால், ராமேஸ்வரம் சோகத்தில் மூழ்கியது. ராமேஸ்வரத்தில் உள்ள, அவரது அண்ணன் முத்துமீரா லெப்பை மரைக்காயர், அவரது மகன் ஜெய்னுலாப்தீன், பேரன் சலீம் மற்றும் உறவினர்கள் கதறி அழுதனர். தகவலறிந்த உள்ளூர் மக்கள், கூட்டம் கூட்டமாக, கலாம் வீட்டின் முன் குவிந்து, கண்ணீர் வடித்தனர். முஸ்லிம் ஜமாத் நிர்வாகிகள், தமிழ்த்தாய் அறக்கட்டளை நிர்வாகிகள், போலீஸ் உயர் அதிகாரிகள், கலாம் பேரன் சலீமிற்கு ஆறுதல் கூறி, இரங்கலை தெரிவித்தனர். 'ராமேஸ்வரத்தில் அடக்கம்': அப்துல் கலாமின் அண்ணன் முத்துமீரா லெப்பை மரைக்காயர் பேரன் சலீம் கூறுகையில், ''நேற்று மாலை, 4:00 மணிக்குதான், தாத்தாவுடன் பேசினேன். ஷில்லாங்கில் குளிராக இருந்ததால், சுவாச பிரச்னை ஏற்பட்டு இறந்துள்ளதாக தெரிய வந்துள்ளது. இந்த செய்தியை, எங்களால் தாங்கிக் கொள்ள முடியவில்லை. அவரது உடலை ராமேஸ்வரத்தில் அடக்கம் செய்ய வேண்டும் என்பது தான், அனைத்து மதத்தினரின் விருப்பம். அதற்கு மத்திய அரசு ஏற்பாடு செய்ய வேண்டும்,'' என்றார்.

Read More

முன்னாள் ஜனாதிபதி அப்துல் கலாம் காலமானார்

முன்னாள் ஜனாதிபதி அப்துல் கலாம் காலமானார் பதிவு செய்த நேரம்:2015-07-27 21:03:07 மேகாலயா: முன்னாள் ஜனாதிபதி அப்துல் கலாம் மேகாலயாவில் காலமானார். மேகாலயாவில் கருத்தரங்கில் கலாம் உரையாற்றிய போது உடல்நலக் குறைவு ஏற்பட்டது. ஷில்லாங்கில் உள்ள மருத்துவமனையில் அப்துல் கலாம் உயிர் பிரிந்தது. இந்தியாவின் 11வது குடியரசுத் தலைவராக பதவி வகித்தார் அப்துல் கலாம். 2002 முதல் 2007 வரை இந்திய குடியரசுத் தலைவராக இருந்தார். இந்தியா அனுவல்லமை நாடாக குறிப்பிடத்தக்க பங்காற்றியவர் கலாம். பொக்ரான்-2 அணுகுண்டு சோதனையில் பிரதமரின் தலைமை அறிவியியல் ஆலோசகராகவும் செயல்பட்டார். 1931 அக்டோபர் 15ம் தேதி ராமேஸ்வரத்தில் ஏ.பி.ஜே. அப்துல் கலாம் பிறந்தார். பள்ளிப் படிப்புக்கு பின் தந்தைக்கு பத்திரிகை விநியோகப் பணி செய்தார். கணிதத்தில் மிகுந்த ஈடுபாடு கொண்டு இருந்தார், திருச்சி புனித வளனார் கல்லூரியில் இளநிலை இயற்பியியல் பயின்றார் கலாம். 1960ல் DRDO வானூர்தி மேம்பாட்டு அமைப்பில் விஞ்ஞானியாக சேர்ந்தார். ராணுவத்துக்கு சிறிய ரக ஹெலிகாப்ட்டர் தயாரிப்புப் பணியில் ஈடுபட்டார். 1969ம் ஆண்டு இந்திய விண்வெளி ஆராய்ச்சி மையத்துக்கு மாற்றப்பட்டார். உள்நாட்டு செயற்கைக்கோள் செலுத்து வாகன திட்ட இயக்குனராக இருந்தார். கலாம் 20 ஆண்டு பணியாற்றிய SLV மற்றும் SLV-3 திட்டங்கள் வெற்றி பெற்றன. கலாமின் இறுதிச் சடங்கு ராமேஸ்வரத்தில் நடைபெறவுள்ளதாக செய்திகள் தெரிவிக்கின்றன

 

Read More

அப்துல் கலாம் ஒரு பார்வை

மறைவுக்கு முன் காவலரை மனமார பாராட்டிய கலாம் Updated: July 28, 2015 10:58 IST | பிடிஐ கலாம் பாராட்டைப் பெற்ற காவலர் | படம்: சிறப்பு ஏற்பாடு மேகாலய தலைநகர் ஷில்லாங்கில் உள்ள ஐ.ஐ.எம். கல்வி நிறுவனத்தில் உரையாற்றிக் கொண்டிருந்த கலாம் தான் நிலைகுலைந்து சரியும் சில மணித் துளிகளுக்கு தனக்கு நாள் முழுவதும் பாதுகாப்பு வழங்கிய காவலரை அழைத்து பாராட்டியுள்ளார். இது குறித்து கிழக்கு காசி மலைப்பிரதேச எஸ்.பி. காக்ரங் பிடிஐ நிறுவனத்துக்கு அளித்த பேட்டியில், "குடியரசு முன்னாள் தலைவர் அப்துல் கலாம், அவருக்கு நாள் முழுவதும் பாதுகாப்பு அளித்த போலீஸ் கான்ஸ்டபிளுக்கு தனது பாராட்டை தெரிவித்தார். அப்துல் கலாம் அழைக்கிறார் என்றதும் முதலில் அந்த காவலர் அச்சம் கொண்டார். பின்னர், பாராட்டு கிடைத்தபோது அந்த காவலர் நெகிழ்ச்சியடைந்தார். கலாமின் சிறப்பே அவரது சிறிய விஷயங்களைக்கூட மனமார பாராட்டுவதே" என்றார்.

Read More